پارێزگاری سلێمانی ڕایگەیاند، لەسەر بودجەی وەبەرهێنان ڕەزامەندی دراوە بۆ دەستپێکردنەوەی کارکردن لە سێ خوێندنگەدا بە بڕی زیاتر لە 873 ملیۆن دینار.
ئاوێنه: خوێندنگەکان کە پێشتر کارکردن تێیاندا وەستابوو، دەکەونە گەڕەکەکانی قولەرەیسی و هۆمەرەکوێر و بەپێی نوسراوێکی وەزارەتی دارایی ئەو بڕەپارەیە بۆ سێ خوێندنگە دابینکراوە بە مەرجی ئەوەی کارەکانیان تەواوبکرێت، ئەگەرچی ئەوە پارەی تەواوی پڕۆژەکان نییە.
ئەو بڕە پارەیە کە دەکاتە 873 ملیۆن و 540 هەزار دینار دەکاتە خەرجکردنی ٪65 ی کۆی پارەی دانراو بۆ تەواوکردنی پڕۆژەکان و وەزارەتی دارایی بە کۆمپانیاکانی جێبەجێکاری ڕاگەیاندووە، کە دەبێت پڕۆژەکان تەواو بکرێن.
