میدیای یەكێتی: هێزێكی حەشدی شەعبی هەڵیكوتایە سەر بازگەیەكی خانەقین
  2021-05-17       792       

میدیای یەكێتی رایگەیاند، ئێوارەی ئەمڕۆ دوشەممە ھێزێکی حەشدی شەعبی هەڵیانكوتاوەتە سەر بازگەیەکی نێوان خانەقین و کەلار و ژمارەیەک کارمەندی ئاسایشیان چەك كردون و بۆ ماوەیەک دەستبەسەریان كردون، دواتریش ھێزێکی زیاتری حەشدی شەعبی چۆتە ناو قەزای خانەقین و نمایش سەربازییان كردوە.

ئاوێنە: بەختیار جاف، جێگری لێپرسراوی میحوەری گەرمەسێری ھێزی پێشمەرگە بە "کوردسات نیوز"ی راگەیاند، ھێزێکی حەشدی شەعبی لە قەزای خانەقین ھەڵیکوتاوەتە سەر بازگەی باوە مەحمود کە دەکەوێتە نێوان خانەقین و کەلار، کە ھێزێکی ھاوبەشی ئاسایش و سوپا و پۆلیسی تێدایە، ھێزەکەی حەشدی شەعبی ئاسایشەکانیان چەک کردون، دوای ماوەیەک دەستبەسەرکردن ئازادییان کردون و چەک و پێداویستییەکانیان پێداونەتەوە.

وتیشی، دواتر حەشدی شەعبی بەھێزێکی زۆرەوە چونەتە ناو قەزای خانەقین و  نمایشی سەربازییان ئەنجامداوە.

بەوتەی جێگری لێپرسراوی میحوەری گەرمەسێر، "رەفتارەکانی حەشدی شەعبی، بانگەشەی پێشوەختەی ھەڵبژاردنەو بۆ ترساندنی کوردە لە سنورەکەدا."

 

زۆرترین بینراو
© 2021 Awene Online, Inc. All Rights Reserved.
×