پۆلیسی گەرمیان نوێترین زانیاری لەسەر ئەو کارمەندە ئاشکرا دەکات کە خۆی کوشت
  2021-05-18       773       


وتەبێژی پۆلیسی گەرمیان ڕایده‌گه‌یه‌نێت   " ئەو کارمەندەی   لە خانەقین  کۆتایی بە ژیانی خۆی ھێنا، لە مانگی یەکەوە لای ئێمە نەماوە و چۆتە ڕیزی ھەڵھاتوانەوە".

ئاوێنە - ئەیاد محەمەد: عەلی جەمال قەدوری وتەبێژی پۆلیسی گەرمیان بە ئاوێنەی ڕاگەیاند "ئەو کارمەندەی کۆتای بە ژیانی خۆیی ھێنا، لای ئێمە پۆلیس نیە و لە مانگی یەکی ئەمساڵەوە چۆتە ڕیزی ھەڵھاتوانەوە، لیژنەیەک پێھاتبوو تاکو بزانن ھۆکاری وازھێنان و دەوامنەکردنی چیە بۆچی چۆتە ڕیزی ھەڵھاتوانەوە".

ڕاشیگه‌یاند، ''مەفرەزەیەکی پۆلیسی نەھێشتنی مادە ھۆشبەرەکانی دیالە چونەتەسەر ماڵاکەی تاکو دەستگیری بکەن بەڵام خۆی ڕادەست نەکردوە و کۆتای بە ژیانی خۆی ھێناوە''.

عه‌لى قه‌دوورى ئاماژه‌ى به‌وه‌كرد، ته‌رمه‌كه‌ى ئێستا له‌ توب عه‌دلیه‌ و پۆلیسى گه‌رمیان په‌ڕاوى لێكۆڵینه‌وه‌ى كردۆته‌وه‌، له‌به‌رئه‌وه‌ى پۆلیسى عیراقى ویستوویه‌تى ده‌ستگیرى بكات ئێمه‌ زانیاریمان له‌ جۆرى تاوانه‌كه‌ى نه‌بووه‌ بۆیه‌ په‌ڕاوى لێكۆڵینه‌وه‌مان كردۆته‌وه‌.

ئه‌و پۆلیسه‌ى خۆى كووشتووه‌ ناوى مه‌روانه‌ و ته‌مه‌نى 36 ساڵه‌، خه‌ڵكى خانه‌قینه‌ پێشتر كارمه‌ندى به‌ڕێوه‌به‌رایه‌تى پۆلیسى گه‌رمیان بووه‌، ئێستا هه‌ڵهاتووه‌ خێزانداره‌ و خاوه‌نى منداڵه‌.

زۆرترین بینراو
© 2024 Awene Online, Inc. All Rights Reserved.
×