وەزارەتی تەندروستی حكومەتی هەرێمی كوردستان، ئێوارەی ئەمڕۆ یەكشەممە، رایگەیاند،
لەماوەی 24 سەعاتی رابردودا 546 توشبوی نوێی كۆرۆنا تۆماركراون و هاوكات حەوت
توشبوی ڤایرۆسەكەش گیانیان لەدەستداوە كە سیانیان لە دهۆك بون.
ئاوێنە: وەزارەتەكە، كەمێك لەمەوبەر لە راگەیەندراوێكدا ئاماری 24 سەعاتی
رابردوی كۆرۆنای لە هەرێمی كوردستان خستەڕو.
بەگوێرەی راگەیەندراوەكە لەماوەی 24 سەعاتی رابردودا هەشت هەزارو 603 پشكنینی
نوێ ئەنجامدراون و بەپێی ئەنجامەكان ژمارەی ئەوانەی لە ڤایرۆسەكە چاكبونەتەوە زیاتر
بوە لە توشبوانی نوێ بەشێوەیەك 546 توشبوی نوێی كۆرۆنا تۆماركراون و 575 توشبوش
چاكبونەتەوە.
وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا
حەوت توشبوی دیكەی كۆرۆنا گیانیان لەدەستداوە: 2 لە هەولێر، 1 لە سلێمانی، 3 لە دهۆك،
1 لە گەرمیان.
دەقی راگەیەندراوەكە...
