لە قەڵادزێ دو كارمەندی پۆلیسی بەرگری شارستانی سوتان
  2021-06-06       478       

پۆلیسی راپەڕین رایگەیاند، دو كارمەندی پۆلیسی بەرگری شارستانی قەڵادزێ لەكاتی هەوڵدان بۆ كۆنترۆڵكردنی ئاگرێك لە داغڵودان و پوش و پاوەنی گوندێكی سنورەكەدا، سوتاون.

ئاوێنە: بەڕێوەبەرایەتی پۆلیسی راپەڕین، ئێوارەی ئەمڕۆ یەكشەممە، لە راگەیەندراوێكدا وتی"کەمێک پێش ئێستا دو کارمەندی بنکەی پۆلیسی بەرگری شارستانی ڕاپەڕین لە قەڵادزێ بە ناوەکانی (ڕ.پ7/ رەسوڵ ئەحمەد ڕەسوڵ) لەدایکبوی ساڵی 1972 دانیشتوی قەڵادزێ گەڕەکی ئاشتی و (ڕ.پ7/ بایز ئەحمەد بایز) لەدایکبوی ساڵی 1969 دانیشتوی قەڵادزێ گەڕەکی خانەقا بەسوتاوی گەیەندرانە نەخۆشخانە."

پۆلیسی راپەڕین وتوشیەتی، بەوتەی خۆیان پاش ئەوەی دەرچون بۆ کۆنتڕۆڵکردنی ئاگرێک لە دەغڵ و دان پوش و پاوەنی گوندی ناودەشت هەوڵی کوژاندنەوەی ئاگرەکەیانداوە لەو کاتەدا ئاڕاستەی بایەکە بەڕوی خۆیاندا پێچەوانە بۆتەوە بەوهۆیەشەوە سوتاون.

پۆلیس ئەوەشی خستۆتەڕو"برینداری یەکەم دەست و قاچ و دەموچاوی سوتاوە و برینداری دوەمیش دەموچاو و قۆڵی چەپی سوتاوە، بەهۆی زۆری سوتاویەکەیان بڕیاردرا بەڕێبکرێن بۆ سلێمانی."

زۆرترین بینراو
© 2024 Awene Online, Inc. All Rights Reserved.
×