عەمید سەرحەد قادر، بەڕێوەبەری پێشوی پۆلیسی قەزاو ناحیەكانی كەركوك لە
ساڵڕۆی دیاریكردنی ریفراندۆمەكەی ساڵی 2017ی هەرێمی كوردستاندا، رایگەیاند، زۆرن
ئەوانەی لاف بە ریفراندۆمەوە لێدەدەن بەڵام كەمن ئەوانەی باجەكەیان دا.
ئاوێنە: چوار ساڵ لەمەوبەرو لە رۆژی 7/6/2021دا لە كۆبونەوەیەكدا بە
سەرۆكایەتی مەسعود بارزانی، سەرۆكی ئەوكاتی هەرێمی كوردستان، لایەنە سیاسییەكانی هەرێمی
كوردستان بڕیاریاندا رۆژی 25ی 9ی ئەو ساڵە ریفراندۆم لە هەرێم و ناوچە
كوردستانییەكانی دەرەوەی ئیدارەی هەرێم بەڕێوەبچێت.
عەمید سەرحەد قادر، ئەمڕۆ دوشەممە، لە ساڵڕۆی دیاریكردنی رۆژی ریفراندۆمدا
لەلاپەڕەی خۆی لە فەیسبوك نوسیویەتی"لە ساڵڕۆژی دیاریكردنی ریفراندۆمدا، زۆرن
ئەوانەی لاف و گەزافی پێوە لێ دەدەن، بەڵام کەمن ئەوانەی باجەکەیان دا."
عەمید سەرحەد قادر، وەك ئاماژەیەك بۆ ئەوەی كە یەكێكە لەوانەی باجی
ریفراندۆمی داوە، لەگەڵ ئەو قسەیەیدا، دەقی فەرمانی دەستگیرکردنی خۆی لەسەر بەشداربونی
لە ڕیفراندۆم بڵاوکردوەتەوە کە 13ی شوبات ساڵی 2020 لەدژی دەرچوە و باس لەوەکراوە،
لەسەر هێزە ئەمنییەکانی عێراق پێویستە ناوبراو بەتۆمەتی بەشداریکردن لە ڕیفراندۆمی
هەرێمی کوردستاندا دەستگیربکەن.