ئەمریكا لەبارەی هێرشكردنە سەر كەمپی مەخمور هۆشداری دەداتە توركیا
  2021-06-10       424       

نوێنەری ئەمریكا لە نەتەوە یەكگرتوەكان رایگەیاند، بە بەرپرسانی توركیای وتوە، هەر هێرشێك هاوڵاتیانی مەدەنی لە كەمپی پەنابەرانی مەخمور بكاتە ئامانج، پێشێلكردنی یاسا نێودەوڵەتییەكان و مافەكانی مرۆڤە.

ئاوێنە: رۆژی 5ی ئەم مانگە، توركیا لە ڕێگەی فڕۆكەی بێفڕۆكەوانەوە هێرشی كردە سەر كەمپی پەنابەرانی شەهید رۆستەم جودی لە مەخمور.

بەپێی لاپەڕەی رەسمی كونسوڵخانەی ئەمریكا لە فەیسبوك، لیندا تۆماس گرینفێڵد، نوێنەری ئەمریكا لە نەتەوە یەكگرتوەكان، وتویەتی"دوێنێ بەڕونی بە بەرپرسە تورکەکانم وت کە ھەر ھێرشێک ھاوڵاتیانی مەدەنی بکاتە ئامانج لە کەمپی پەنابەرانی مەخمور پێشێلکرنی یاسا نێودەوڵەتییەكان و مافەکانی مرۆڤە."

لیندا وتوشیەتی"من زۆر نیگەرانم لەو توندوتیژیانەی کە لە نزیک کەمپەکە ڕویاندا. داوا لە ھەموو لایەنەکان دەکەم کە ڕێز لە مافەکانی پەنابەران بگرن."

زۆرترین بینراو
© 2021 Awene Online, Inc. All Rights Reserved.
×