مه‌زڵوم كۆبانی لەبارەی هێرشەکەی عەفرین پەیامێکی بڵاوکردەوە
  2021-06-13       947       

دواى ئه‌وه‌ی نه‌خۆشخانه‌ی عه‌فرین بۆردومان كرا كه‌ به‌هۆیه‌وه‌ 18 كه‌س گیانیان له‌ده‌ستدا و 23ی دیكه‌ش برینداربوون مەزڵوم کۆبانی، فەرماندەی گشتیی هێزەکانی سووریای دیموکرات - هەسەدە لە تویتێکدا رایگەیاند، هێزەکانیان بەهیچ شێوەیەک بەرپرس نین لەو روداوە و ئیدانەی دەکەن.

مه‌زڵوم كۆبانێ فه‌رمانده‌ی گشتی هه‌سه‌ده‌  باسی لەوەشکردوە، "شه‌ڕڤانانی هه‌سه‌ده‌ به‌هیچ جۆرێك له‌ پشت ئه‌و هیچرشه‌ تراژیدیایه‌وه‌ نین كه‌ كرایه‌ سه‌ر نه‌خۆشخانه‌ی عه‌فرین".

ئاماژەی بەوەشکردوە، دڵته‌نگ و نیگه‌ران بوین به‌ مردنی ده‌یان كه‌سی بێتاوانی عه‌فرین و به‌هه‌مو جۆرێك ئیدانه‌ی ئه‌و هێرشه‌ ده‌كه‌ین، به‌ ئامانجگرتنی نه‌خۆشخانه‌ دژی بنه‌ما نێوده‌وڵه‌تییه‌كانه‌.

ئێواره‌ی دوێنێ له‌هێرشێكی موشه‌كیدا بۆسه‌ر نه‌خۆشخانه‌ی شیفای عه‌فرین، 18  كه‌س كوژران و ده‌یان كه‌سی دیكه‌ش برینداربون.
زۆرترین بینراو
© 2024 Awene Online, Inc. All Rights Reserved.
×