ئاسایش وردەکاریی تەقینەوەکەی هەڵەبجەی ئاشكراکرد
  2021-06-14       552       


بەڕێوەبەرایەتی ئاسایشی هەڵەبجە ڕایگەیاند، ڕووداوی تەقینەوەکەی ئەمڕۆی شآری هەڵەبجە، ڕووداوێکی خۆکوژی بووە و گەنجێکی تەمەن 29 ساڵ بە نارنجۆکی دەنگی کۆتایی بە ژیانی خۆی هێناوە.   
  
ئاوێنه‌: لە ڕاگەیەنراوێکدا بەڕێوەبەرایەتی ئاسایشی هەڵەبجە (دووشەممە 14ی حوزەیرانی 2021) ڕایگەیاند، "سەرلەبەیانی ئەمڕۆ دووشەممە تەقینەوەیەک لە پارکێکی گەڕەکی شارەوانی لە شاری هەڵەبجە ڕوویدا و تیایدا کەسێک گیانی لەدەستدا."  


ئاماژەی بەوەشکردووە، "لەدوای لێکۆڵینەوەکان دەرکەوتووە، ڕووداوەکە خۆکوژی بووە و گەنجەکە کە تەمەنی 29 ساڵ بووە، لەڕێگەی نارنجۆکی دەنگییەوە کۆتایی بە ژیانی خۆی هێناوە."  

دەقی ڕاگەیەنراوەکە:  

ڕووداوه‌ی سه‌رله‌به‌یانی ئه‌مڕۆ كه‌ له‌ پارێكێكی گه‌ڕه‌كی شاره‌وانی ڕووی داوه‌ گه‌نجێكی له‌دایك بووی ساڵی (1992) كاتژمێر (9)ی سه‌رله‌به‌یانی ڕۆشتوه‌ته‌ پاركه‌كه‌ و دووباخه‌وانی لێبوه‌ دوای  سڵاو كردن له‌ باخه‌وانه‌كان و دوركه‌وتنه‌وه‌ لێیان به‌ماوه‌یه‌كی كه‌م ده‌نگێك بیستراوه‌ دوای ئاگادار بوون و گه‌شتنی هێزه‌كانمان به‌ شوێنی ڕوداوه‌كه‌ له‌ لێكۆڵینه‌وه‌ سه‌ره‌تایبه‌كاندا ده‌ركه‌وتوه‌ كه‌  كه‌سێكه‌ به‌ناوی  (ڕێكان ته‌حسین فه‌تاح) كۆتایی به‌ژیانی خۆی هێناوه‌ ڕوداوه‌كه‌‌  ڕوداوێكی  خۆكوژی بوه‌ و له‌ ڕیگه‌ی نارنجۆكێكی ده‌نگیه‌وه‌ بووه‌"  لێكۆلینه‌وه‌ی زیاتر به‌رده‌وامه‌ . ‌هاولاتیانی خۆشه‌ویست ئاگادار ده‌كه‌ین   كه‌ پێویست به شڵه‌ژان و ‌دڵه‌ڕاوكێ ناكات.  چونكه‌ ڕوداوه‌كه‌ ته‌نها كارێكی خۆكوژی بووه‌.  

  

  

زۆرترین بینراو
© 2021 Awene Online, Inc. All Rights Reserved.
×