وەزارەتی شارەوانی و گەشتوگوزاری حكومەتی هەرێمی كوردستان، دو پێشنیاری بۆ
چارەسەری کێشەی ئاوی چەمچەماڵ خستە بەردەستی ئەنجومەنی وەزیران.
ئاوێنە: بەپێی راگەیەندراوێكی قائیمقامیەتی چەمچەماڵ، وەزارەتی شارەوانی لەنوسراوێكدا
دو پێشنیاری بۆ چارەسەری هەنوکەیی و درێژخایەنی کێشەی ئاوی چەمچەماڵ خستە بەردەستی
ئەنجومەنی وەزیران.
وەزارەتەكە لە
نوسراوەكەیدا پێشنیاری کردوە بە تەرخانکردنی زیاتر لە حەوت ملیۆن و 681
هەزار دۆلار بۆ هەڵکەندنی ژمارەیەک بیری ئیتیوازی لە ناوچەی "کانی شەیتان"
و بەستنەوەی بەهێڵی ئاوی چەمچەماڵەوە.
پێشنیاری دوەمی وەزارەتی شارەوانی وەک چارەسەری بنەڕەتی بۆ کێشەی ئاوی چەمچەماڵ،
جێبەجێکردنی پرۆژەی ئاوی گۆپتەپە- چەمچەماڵە.
لە راگەیەندراوەكەی قائیمقامیەتی چەمچەماڵدا هاتوە"ئێمە لە قائیمقامیەتی
چەمچەماڵ ڕێزدەگرین لە هەمو ئەو دام و دەزگاو لایەن و کەسایەتی و خەمخۆرانە کە پشتیوانن
بۆ جێبەجێکردنی پرۆژەی ئاوی گۆپتەپە-چەمچەماڵ و ماندوبونیان بەرزدەنرخێنین."