ئەمڕۆ دوشەممە 14/6/2021 كۆبونەوەی نێوان وەزیری دارایی و لیژنەی دارایی پەرلەمانی كوردستان.
بەپێی میدیای رەسمی بزوتنەوەی گۆڕان، ئاوات شێخ جەناب، وەزیری دارایی و
ئابوری حكومەتی هەرێمی كوردستان، ئەمڕۆ دوشەممە، لە كۆبونەوەی لەگەڵ لیژنەی دارایی
پەرلەمانی كوردستاندا وتویەتی، ریگرییە سیاسییەكان بهێڵن، ئەنجامدانی چاكسازی تەنها
چوار بۆ شەش مانگی پێویستە.
ئاوێنە: میدیای رەسمی گۆڕان لەزاری سه‌رچاوه‌یه‌كی به‌شدار له كۆبونه‌وه‌‌ی
ئەمڕۆی وه‌زیری دارایی لەگەڵ لیژنه‌ی دارایی په‌رله‌مانی كوردستان بڵاویكردۆتەوە
"لە کۆبونەوەکەدا ئاوات شێخ جەناب، وه‌زیری دارایی و ئابورى به ئاماده‌بوانی
كۆبونه‌وه‌كه‌ی راگەیاندوە، ئه‌گه‌ر ڕێگرییه سیاسییه‌كان بهێڵن ئه‌وا ئەنجامدانى
چاكسازی ته‌نها چوار بۆ شه‌ش مانگی پێوسته."
بەپێی قسەی سەرچاوەكە وەزیری دارایی وتوشیەتی "لەئەنجامدانى چاكسازیدا
ئه‌و کەس و لایەنانە زه‌ره‌رمه‌نده‌بن كه به‌رژه‌وه‌ندی شه‌خسییان هه‌یەو بەرژەوەندییەکانیشیان
له‌سه‌ر حسابی مافی گشتین."
بەپێى وتەى ئەو سەرچاوەیە، "وه‌زیری دارایی و ئابورى پرسیارى ئاراستەى
به‌شداربوانی كۆبونه‌وه‌كه کردوە و پێى راگەیاندون، بۆ ئەنجامدانى چاکسازى چ ئەرکێک
لە ئەستۆى وەزارەتى دارایى بوە و جێبەجێى نەکردوە؟ یاخود چ کەمتەرخەمیەکمان هەبوە دەتوانن بیخەنەڕو، بەڵام
هیچ کام لەو پەرلەمانتارانەى ئامادەى کۆبونەوەکە بون وەڵامیان بۆ ئەو پرسیارەى وەزیرى
دارایى پێ نەبوە."