2021-06-22   341     
لە گوندێکی سەر بە شارۆچکەی زاویتە لە دهۆک، کەسێک برا بچووکەکەی خۆی دەکوژێت و دواتر خۆی رادەستی پۆلیس دەکات.
ئاوێنە: لەمبارەیەوە هێمن سلێمان، وتەبێژی پۆلیسی پارێزگای دهۆک رایگەیاندوە: بەرەبەیانى ئەمڕۆ لە گوندی تەلەوە لە شارۆچکەی زاویتە، دەمەقاڵێ لەنێوان دوو برادا دروستبووە و دواتر برا گەورەکەیان برا بچووکەکەی خۆی بە گولـلە کوشتووە.
ئاماژەی بەوەش كردووە: تۆمەتبارەکە دانى بەوەدا ناوە کە دەمەقاڵێکە لەسەر ئەوە دروستبووە کە برا بچووکەکەی بە قسەی خێزانەکەی ناکات و شەوان درەنگ دەچێتەوە ماڵەوە.
ناوی هونەر حوسێنە و لەدایکبووی ساڵی 1999یە و تەرمەکەی لە گوندەکەی خۆیان بەخاکسپێردراوە.
وتەبێژی پۆلیسی پارێزگای دهۆک ئاشکراشیکردوە: تۆمەتبارەکە خۆی رادەستی پۆلیس کردووە و پەڕاوی لێکۆڵینەوەش بۆ رووداوەکە کراوەتەوە.