2021-06-23   666     
دوای دوومانگ لە هێرشەکانی تورکیا بۆ سەر ناوچەکانی زاپ و ئاڤاشین و مەتینا پارتی کرێکارانی کوردستان ئاماری سەربازە کوژراوەکانی بڵاوکردەوە کە لەو ماوەیەدا 238 سەربازی تورکیا کوژراون.
ئاوێنه: بەگوێرەی ڕاگەیەندراوێک کە میدیای پەکەکە بڵاویکردووەتەوە، سوپای تورکیا 230 هێرشی زەمینیی و ئاسمانیی کردووەتە سەر باشوری کوردستان و زیاتر لە 13 جاریش چەکی کیمیایی لە هێرشەکانیدا بەکارهێناوە.
پەکەکە دەڵێت ئێستا تورکیا ڕوبەری 100 کیلۆمەتری لە خاکی هەرێمی کوردستان داگیرکردووە، هاوکات 12 جار گازی ژەهراوی و کیمیاییان بەکارهێناوە:
*تورکیا 42 جار هەوڵیانداوە بڕۆنە ناو تونێلەکانی گەریلا و هەموو جارەکان تێکشکێنراو.
* سوپای تورکیا 12 جار گازی ژەهراوی و کیمیاییان بەکارهێناوە.
*هێزەکانمان 169 چالاکییان ئەنجامداوە.
* هێزی ئاسمانیی شەهید دەلال ئامەد 24 چالاکییان ئەنجامداوە.
* لە ئەنجامی چالاکیی گەریلاکان 238 سەرباز کوژراون، 30 سەربازیشبریندار بوون.
* 39 گەریلا شەهیدبوون.