زیاتر لە 400 بەنزینخانە لەهەولێر ’’مەترسی داخستنیان لەسەرە’’
  2021-06-23       478       

ئەندامێکى پەرلەمانى کوردستان رایگەیاند، بەهۆى قۆرخکارییەوە زیاتر لە 400 بەنزینخانە لەهەولێر مەترسی داخستنیان لەسەرە.  

ئاوێنه‌: عەلى حەمەساڵح ئەمڕۆ چوارشەممە لەبڵاوکراوەیەکدا  ئاماژەى بەوەکردووە، حکومەت رۆژانە 25 ھەزار بەرمیل نەوت لە پاڵاوگەی کار دەپاڵێوێت و 870 ھەزار لیتر بەرھەمیەتی. بەقۆرخکاری دراوە بە ھەردوو کۆمپانیای کورد نەفت وسەن ئۆیل لیترێک بە 630 دینار!".  

دەشڵێت "ئەوانیش دەیفرۆشنەوە بە بەنزینخانەکان لیتری بە 725 دینار! بەنزینخانەکانیش خۆیان ڕاستەوخۆ دەڕۆن لە پاڵاوگەی کاری وەردەگرن و پارەکەش لە بازاڕی دۆلارەکە تەسلیم دەکرێت!".  

ئاماژه‌ی به‌وه‌شداوه‌ "کورد نەفت و سەن ئۆیڵ خۆیان بەنزینخانەیان ھەیە لیترێک بەنزین خۆیان دەیدەن بە 660 دینار، بە بەنزینخانەکانی تر بە جوملە دەیفرۆشن بە 725 دینار!! ئەمەش وادەکات زیاتر لە 400 بەنزینخانە مەترسی داخستنیان لەسەربێت بەھۆی ئەم قۆرخکارییە".

هەروەها بە پێویستى دەزانێت ئەم بەرھەمە بەنرخێکی جێگیر بدرێتە ھەموو بەنزینخانەکان و ھۆکاربێت بۆ دابەزاندنی نرخی بەنزین.  
زۆرترین بینراو
© 2021 Awene Online, Inc. All Rights Reserved.
×