نێچیرڤان بارزانی، سەرۆكی هەرێمی كوردستان لەچوارچێوەی سەردانەكەیدا بۆ
ئوردن، ئەمڕۆ چوارشەممە، لەگەڵ شا عەبدوڵای دوەم، شای شانشینی ئوردن كۆبونەوەو
تاوتوێی دوایین پێشهاتەكانی عێراق و ناوچەكەیان كرد.
ئاوێنە: بەپێی راگەیەندراوێكی حكومەتی هەرێمی كوردستان، نيوه‌ڕۆى ئه‌مڕۆ
چوارشه‌ممه 2021/6/23 شا عه‌بدوڵاى دوه‌م، شاى شانشينى ئوردنيى هاشمى، له كۆشكى
حوسه‌ينييه له عه‌ممان، پێشوازى له نێچيرڤان بارزانى، سه‌رۆكى هه‌رێمى كوردستان
كرد.
له كۆبونه‌وه‌يه‌كدا كه شازاده فه‌يسه‌ڵ بن حسێن و سه‌رۆك وه‌زيران و وه‌زيرى
ده‌ره‌وه‌ى ئوردن ئاماده‌ى بون، په‌يوه‌ندييه‌كانى ئوردن و هه‌رێمى كوردستانيان
تاوتوێ كردو جه‌ختيان له پته‌وكردنيان له هه‌مو بواره‌كاندا كرده‌وه، هه‌روه‌ها
دوايين پێشهاته‌كانى عێراق و ناوچه‌كه‌يان باس كردو شا عه‌بدوڵا پشتگيريى ئوردونى
بۆ عێراق دوپات كرده‌وه.
هه‌ردولا داكۆكييان له پێويستيى پته‌وكردن و يه‌كخستنى هه‌وڵه نێوده‌وڵه‌تى
و هه‌رێمييه‌كان له چوارچێوه‌ى ستراتيژێكى گشتگيردا بۆ شه‌ڕى دژى تيرۆرو توندڕه‌وى
و كارى هاوبه‌ش بۆ پته‌وكردنى ئارامى و سه‌قامگيرى له ناوچه‌كه‌دا كرده‌وه، هه‌روه‌ها
باسيان له لێكه‌وته‌كانى په‌تاى ڤايرۆسى كۆرۆنا به‌تايبه‌تى له بوارى ئابوريدا،
كرد.
نێچيرڤان بارزانى پێزانينى بۆ ڕۆڵى شا عه‌بدوڵڵاى دوه‌م و شانشينى ئوردن
له پشتگيريى به‌رده‌وامى هه‌رێمى كوردستان ده‌ربڕى و ئاماژه‌ى به په‌يوه‌نديى مێژويي
هه‌ردولا كرد، ئاماده‌يي هه‌رێمى كوردستانيشى ده‌ربڕى بۆ ئه‌وه‌ى له هه‌مو بواره‌كانى
جێى بايه‌خى هاوبه‌شدا هاريكارى له‌گه‌ڵ ئوردن بكات و جه‌ختى له گرنگيى به‌ره‌وپێشبردن
و فراوانكردنى بواره‌كانى هاريكاريى عێراق و هه‌رێمى كوردستان له‌گه‌ڵ ئوردن، كرده‌وه.