پلاسخارت: دەبێت بكوژانی چالاكوانان بە سزای خۆیان بگەن
  2021-06-24       336       

نوێنەری تایبەتیی سکرتێری گشتیی نەتەوە یەکگرتوەکان لە عێراق، جینین ھێنیس پلاسخارت، لەمیانی سەردانێكیدا بۆ كەربەلا، سەردانی ماڵی چالاکوانی خۆپیشاندانەکان، ئیھاب وەزنی کرد کە لەم دواییانه‌دا لە شاری کەربەلا کوژرا. پلاسخارت وتی: دەبێت بكوژانی چالاكوانان بە سزای خۆیان بگەن.

ئاوێنە: جینین ھێنیس پلاسخارت لە میانی سەردانەکەیدا سەره‌خۆشی لە خانەوادەی ئیهاب جەواد وەزنی كردو ھەوڵەکانی نەتەوەیەکگرتوەکانیشی بۆ برەودان بە لێپێچینەوە لەو پەلامارانە خستەڕو کە چالاکوانە سیاسی و مەدەنییەکان لە عێراق دەکەنە ئامانج.

پلاسخارت هەروەها جەختی لەوەش کردەوە کە تاوانباران دەبێت بەسزای خۆیان بگەن.

نوێنەری تایبەتیی سكرتێری گشتی نەتەوە یەكگرتوەكان لە عێراق جەختیشی كردەوە، ئێمە بێدەنگ نابین لەوەی بەسەر ستەملێكراواندا هاتوەو بەدوای راستییەكاندا گەڕێین.


زۆرترین بینراو
© 2021 Awene Online, Inc. All Rights Reserved.
×