وەزارەتی تەندروستی عێراق، ئەمڕۆ شەممە، گەیشتنی شەپۆلی سێیەمی كۆرۆنا بۆ وڵات راگەیاندو دەشڵێت، لە دو شەپۆلەكەی پێشو قورستر و مەترسیدارتر دەبێت.
ئاوێنە: سەیف بەدر، وتەبێژی وەزارەتەكە بە ئاژانسی هەواڵی عێراقی وت، شەپۆلە نوێیەكە كە گەیشتۆتە وڵات قورسترو مەترسیدارترە لە دو شەپۆلی پێشو.
رونیشیكردۆتەوە كە شەپۆلە نوێیەكەی كۆرۆنا پێویستی بە روبەڕوبونەوەیە لەڕێگە خۆپارێزییەكانەوە لەوانە بەستنی ماسك و پاراستنی دوری لەگەڵ وەرگرتنی ڤاكسین.
هەروەها سەیف بەدر هێمای بۆ ئەوە كردوە كە وەزارەتەكەیان دەستیكردوە بە جێبەجێكردنی پلانێكی بەرفراوان كە زیادكردنی بڕی ڤاكسینەكان و بنكەكانی وەگرتنی ڤاكسین لە بەغداو پارێزگاكانی دیكە لە خۆدەگرێت.
هەروەك داواشی لە هاوڵاتیان كردوە پابەندبن بە جێبەجێكردنی رێنماییەكانی لیژنەی باڵای تەندروستی و سەلامەتییەوە.