2021-07-03   533     
فەرماندەی هێزی ئاسمانی ئێران ڕایدەگەیەنێت، ئاسایی كردنەوەی پەیوەندییەكان لەگەڵ ئەمریكا كێشەكان چارەسەر ناكات.
ئاوێنه: ئەمیر عەلی حاجی زادە فەرماندەی هێزی ئاسمانی ئێران لە بارەی پەیوەندییەكانی وڵاتەكەی لەگەڵ ئەمریكا ڕایگەیاند: ئاسایی كردنەوەی پەیوەندی لەگەڵ ئەمریكا كێشەكانی ئێران چارەسەر ناكات و ئەمریكا هیچ كات دۆستی ئێران نەبووە و نابێت، پەیوەندییەكانیش لەگەڵ ئەو وڵاتە ئاسایی نابێتەوە.
ئەمیر عەلی حاجی زادە ئاماژەی بۆ ئەوەشكرد، دەبێت تیمی دانوستكاری ئێران لە كۆبوونەوەكانی ڤییەننا بزانن كە لەگەڵ ئەمریكا دانوستان دەكەن.
فەرماندەی هێزی ئاسمانی ئێران ئەوەشی خستەروو، وڵاتەكەی ئامادەی گۆڕانكارییەكی گەورەیە لە هەموو بوارەكاندا، دەبێت كابینەی نوێێ حكومەت كێشە ئابوورییەكان و هەڵاوسان و بێكاری لە ئێران چارەسەر بكات.