بەپێی بڕیاری
كۆمسیۆنی باڵای سەربەخۆی هەڵبژاردنەكانی عێراق كاندیدە پەسەندكراوەكانی هەڵبژاردنە
پەرلەمانییەكەی عێراق لە ئێستاوە دەتوانن دەست بە بانگەشەی هەڵبژاردن بكەن تاوەكو
7/10/2021، بەوەش ماوەی بانگەشەی هەڵبژاردن سێ مانگ دەخایەنێت.
ئاوێنە: دوێنێ پێنجشەممە
(8/7/2021)، كۆمسیۆنی باڵای سەربەخۆی هەڵبژاردنەكان بەزۆرینەی دەنگ بڕیاریدا بە پەسەندكردنی
ناوی ئەو كاندیدانەی كە رۆژی چوارشەممە، ژمارەیان پێ بەخشرابو.
بەگوێرەی
بڕیارەكەی كۆمسیۆن، پاڵێوراوەكان لە رۆژی دەرچونی بڕیارەكەوە، واتە لە رۆژی
8/7/2021ەوە بۆیان هەیە دەست بە بانگەشەی هەڵبژاردن بكەن تاوەكو سەعات 6ی سەرلەبەیانی رۆژی پێنجشەممە رێكەوتی 7/10/2021.
هەڵبژاردنی
پەرلەمانی عێراق بڕیارە رۆژی 10/10/2021 بەڕێوەبچێت.
