شەوی رابردو دەنگی
تەقینەوەیەكی بەهێز لە پاركی "میللەت" لە باكوری تارانی پایتەختی ئێران
بیسترا، بەڵام پۆلیسی تاران لە بایەخی تەقینەوەكەی كەمكردۆتەوەو وتویەتی: "شتێكی
وا نەبوە."
ئاوێنە: شەوی
رابردو لە دوای بیستنی دەنگی تەقینەوەكە، میدیای رەسمی ئێران نوسیبوی، "دەنگی
تەقینەوەیەكی سامناك" لە نزیك پاركی میللەتی تارانی پایتەخت بیستراوە.
حەمید هیداوەند، جێگری فەرماندەی پۆلیسی
تاران رایگەیاند، دەنگی تەقینەوەیەك بیستراوە بەڵام هیچ زیانێكی گیانی و ماددی لێ
نەكەوتۆتەوە.
جێگری فەرماندەی پۆلیسی تاران ئەوەشی وتوە
كە "دەنگی تەقینەوە هاتوە" بەڵام "شتێكی وا نەبوە."
حەمید هیداوەند ئاماژەی بەوەداوە كە
دەستكراوە بۆ لێكۆڵینەوە لە هۆكاری روداوەكە.
میدیای رەسمی ئێران وتبوی، "شتێكی
نەناسراو" لە پاركی میللەت تەقیوەتەوە.
بەپێی ئەو
ڤیدیۆییانەی لە تۆڕە كۆمەڵایەتییەكان بڵاوكراونەتەوە، دەنگی تەقینەوەكە هێندە
گەورە بوە لە رۆژئاوای تارانیش بیستراوە.