2021-07-12 315
ئەمڕۆ دووشەممە ١٢ی تەمووزی ٢٠٢١ پانێڵێك بۆ شیكردنەوەی یاسای ژمارە ٥ی ساڵی ٢٠١٥ یاسای پاراستنی مافی پێكھاتەكان لە ھەرێمی كوردستان – عیراق بەڕێوەچوو، وەزیری ھەرێم بۆكارووباری پێكھاتەكان ڕایدەگەیەنێت، كابینەی نۆیەم زۆرترین مافی بۆ پێكهاتەكانی كوردستان دابینكردووە.
ئاوێنه: ئایدن مەعروف، وەزیری ھەرێم بۆكاروباری پێكھاتەكان لە حكومەتی هەرێمی كوردستان لەپانێڵەكەدا ڕایگەیاند، لەهەرێمی كوردستان مافی پێكهاتەكان دابینكراوە، مافی هەموو پێكهاتەكان، لە ڕووی یاسایی و سیاسیی و كۆمەڵایاتیی پارێزراوە بەتایبەت لە كابینەی نۆیەمی حكومەتی هەرێمی كوردستان، لەكاتێكدا، لە عیراقدا هێشتا مەترسی لەناوبردنی پێكهاتەكان هەیە و هەوڵی گۆڕینی دیمۆگرافیایان دەدردێت.
دەشڵێت، لەهەرێمی كوردستان جگە لەپێكهاتە ڕەسەنەكانی، مافی ئەوانەش دابینكراوە كەوا لە ناوەڕاست و خوارووی عیراقەوە ئاوارەی كوردستان بوون.