وەزارەتی تەندروستی: عێراق روبەڕوی بەرزبونەوەیەكی بێ پێشینەی توشبون بە كۆرۆنا بۆتەوە
  2021-07-17       207       

وەزارەتی تەندروستی عێراق، ئەمڕۆ شەممە، رایگەیاند، عێراق روبەڕوی بەرزبونەوەیەكی بێ پێشینە بۆتەوە لە توشبون بە كۆرۆنا.

ئاوێنە: د. سەیف بەدر، وتەبێژی وەزارەتەكە، لە لێدوانێكدا بۆ ئاژانسی رەسمی عێراق ئەوەشی وتوە، حاڵەتە قورسەكانی توشبون بە كۆرۆنا زیاترن لەوەی لە رابردودا هەبون.

هەروەك وتەبێژی وەزارەتی تەندروستی ئاماژەی بەوەداوە كە عێراق روبەڕوی وەرچەرخانێكی مەترسیداری كۆرۆنا بۆتەوەو پێویستمان بە هەڵوەستەیەكی جددییە بۆ روبەڕوبونەوەی.

جەختیشی كردۆتەوە كە وەزارەتەكەیان چەند راسپاردەیەكی بۆ لیژنەی باڵای تەندروستی و سەلامەتی بەرزكردونەتەوە لەبارەی قۆناغی داهاتوی بەرەنگاربونەوەی كۆرۆنا.

د. سەیف بەدری داواشی لە هاوڵاتیان كردوە رێگەكانی خۆپارێزی بگرنەبەرو دەمامك ببەستن و رەچاوی دوری كۆمەڵایەتی بكەن و ڤاكسینی كۆرۆنا وەربگرن.


زۆرترین بینراو
© 2021 Awene Online, Inc. All Rights Reserved.
×