هۆشداری لەبارەی رەوشی تەندروستی عێراق دەدرێت
  2021-07-17       282       

لیژنەی تەندروستی پەرلەمانی عێراق لەبارەی رەوشی کۆرۆنا لە عێراق هۆشداریدەدات، بەتایبەتی لە کاتێکدا ئامارەکانی توشبوون بە کۆرۆنا رۆژانە بەرزدەبنەوە.

ئەمڕۆ شەممە ١٧ی تەمموز، فالح زیادی، بڕیادرەی لیژنەی تەندروستی پەرلەمانی عێراق رایگەیاند:" رەوشی تەندروستی عێراق زۆر مەترسیدارە، ئەم دۆخەی ئێستاش لە رووی ئامارەوە پێشینەی نییە، هەروەها لە ئێستادا لە لوتکەی شەپۆلی سێیەمی کۆرۆنادایە".

هەروەها وتیشی لە مەترسیداری دۆخەکە وا دەکات کە پێویست بێت لەسەر حکومەت رێککاری پێویست بگرنەبەر".

 ئاماژەی بەوەشدا:" بەهۆی خۆ ئامادەنکردنی حکومەت و سەنتەرە تەندروستییەکان، دۆخەکە زۆر مەترسیدارتر دەبێت، بەتایبەتی کە لە ئێستادا زۆرینەی توشبووان لە تەمەنی گەنجیدان، هەروەها زۆرینەشیان لە ژووری چاودێری چڕدان، کە ئەمەش ئاماژەیەکی زۆر مەترسیدارە".

فالح زیادی هاتوچۆی گشتی بە چارەسەردەزانێت، بەتایبەتی کە وڵاتانی جیهان بۆ رێگریکردن لە زیاتر بڵاوبوونەوەی ڤایرۆسەکە بەکاریدەهێنن، بەڵام بەهۆی ئەوەی خراپی دۆخی ئابوری وڵات و دژواری دۆخی گوزەرانی هاوڵاتییان رێگە بە سەپاندنی قەدەغەی گشتی نادەن، بۆیە نیمچە قەدەغەی هاتوچۆ دەکرێت وەک پێشنیارێک سەیر بکرێت.

زۆرترین بینراو
© 2021 Awene Online, Inc. All Rights Reserved.
×