بەرگری شارستانی كۆیە ئاشكرایكرد، ئێوارەی ئەمڕۆ سێشەممە، گەنجێكی 21 ساڵان لە بەندوای سماقوڵی "بەهۆی نەشارەزایی لە مەلەكردن" خنكاوە.
ئاوێنە: بەڕێوەبەرایەتی بەرگری شارستانی كۆیە لە راگەیەندراوێكدا وتی"ئەمڕۆ ئێوارە بەرواری 20/7/2021، هاوڵاتییەكی بە رەگەز عەرەب بە ناوی (عەباس محەمەد ئیبراهیم)، تەمەن 21 ساڵ، دانیشتوی هەولێر، پیشە کاسب، لە بەنداوی سماقوڵی بەهۆی نەشارەزایی لە مەلەکردن خنکاوە."
بەڕێوەبەرایەتی بەرگری شارستانی کۆیە داوای لە هاوڵاتیان كردوە بۆ سەلامەتی گیانیان دوربکەونەوە لە مەلەکردن و پابەندی تابلۆی رێنماییەکان بن بۆ ئەوەی ئاسودەیی کەسوکاریان تێک نەچێت و گەشتێکی سەلامەت ئەنجام بدەن.