میدیای یەكێتی: بەبڕیاری بافڵ تاڵەبانی سەرجەم ناسنامەکانی پێشوی دژەتیرۆر وەردەگیرێنەوەو رادەگیرێن
  2021-07-21       989       

میدیای یەكێتی بڵاویكردەوە، بافڵ تاڵەبانی، هاوسەرۆکی یەکێتیی نیشتمانیی کوردستان بڕیاری لێپێچینەوەی لەگەڵ ئەو کەسانەدا کە "بەنایاسایی ناسنامەی دژە تیرۆریان بۆ کراوەو سەرجەم ناسنامەکانی پێشوی ئەو هێزەش وەردەگیرێنەوە و ڕادەگیرێن."

ئاوێنە: كەناڵی كوردسات نیوز، ئەمشەو چوارشەممە، لە هەواڵێكدا ئەوەشی بڵاوكردۆتەوە "لە بڕیارێکی نوێدا بافڵ تاڵەبانی فەرمانی کردوە، سەرجەم ئەو ناسنامە ساختانەی لەلایەن دژەتیرۆرەوە دەرکراون هەڵبوەشێندرێنەوەو هەر کەسێک بە یاسایی لەدەزگای دژەتیرۆر کارمەند نەبوبێت و سودمەند بوبێت لە زەوی و ئۆتۆمبێل و چەک، بۆ مەرامی شەخسی و یاساشکێنی ئیمتیازاتی پێدرابێت لێی وەربگیرێتەوە."

هەر بەپێی بڕیارەکە "هەر کەسێکیش پابەند نەبێت ڕوبەڕووی دادگا دەکرێتەوە."

میدیای یەكێتی ئەوەشی وتوە"ئەمە لەکاتێکدایە بە بڕیاری چەند کەسێک زیاتر لە 12 هەزار ناسنامەی دژەتیرۆر بەنایاسایی دروستکراوە، کە بۆ مەرامی تایبەتی و چەندین کاری نایاسایی و یاساشکێنی بەکارھێنراون."

بەپێی كەناڵەكە، بڕیارەکەی هاوسەرۆکی یەکێتی ئاماژە بۆ ئەوە دەکات، کە ناسنامەی نوێ بە دیزاینێکی نوێ بۆ ھێزەکانی دژەتیرۆر دروست دەکرێت و سەرجەم ئەو ناسنامانەی پێشتر وەردەگیرێنەوەو ڕادەگیرێن.

زۆرترین بینراو
© 2021 Awene Online, Inc. All Rights Reserved.
×