2021-07-24 733
تا ئێستا وەزارەتی دارایی گەنجینەكانی ئاگادارنەكردووەتەوە بۆ ئامادەكردنی لیستی موچەی ئەم مانگا، بۆیە سبەینێ موچەی مانگی حەوت دابەشناكرێت.
ئاوێنه: سبەینێ 25ی مانگە و لە چەند مانگی ڕابردوو لەو ڕۆژەدا دەستدەكرا بە دابەشكردنی موچە، بەڵام حەسەن ڕەشید، بەڕێوەبەری گەنجینەی 1ی سلێمانی ب ڕاگەیاند، “تاوەكو ئێستا لەلایەن وەزارەتی داراییەوە ئاگادار نەكراوینەتەوە سبەی یەكشەممە دەست بە دابەشكردنی موچەی مانگی فەرمانبەران بكەین”.
لەبارەی ئەوەی ئایا ئەم مانگە بەهەمان میكانیزمی پێشوو موچە دابەشدەكرێت و لێبڕینی 21% بەردەوام دەبێت، حەسەن ڕەشید باسی لەوەكرد، “هێشتا یەكلایی نەبووەتەوە و حكومەت بڕیاری لەبارەوە دەدات كە ئەم مانگە بە چ میكانیزمێك موچە دابەشدەكرێت”.
ڕوونیشیكردەوە، “بەهۆی ئەوەی ئەمڕۆ هیچ ئاگاداركردنەوەیەكمان لەلایەن وەزارەتی داراییەوە پێنەگەیشتووە، بۆیە سبەی موچە دابەشناكرێت و هەركاتێك بڕیاری دابەشكردنی بدرێت، ڕۆژێك پێشتر ئاگادارمان دەكەنەوە”.
پێشتر دەنگۆی ئەوەبڵاوكرایەوە ڕێژەی لێبڕینی موچە بۆ 6% یان 11%، كەمدەكرێتەوە، بەڵام هێشتا بەفەرمی هیچی لەبارەوە نەوتراوە.