ئەمینداری گشتیی یەکێتیی جیهانیی زانایانی ئایینی ئیسلام لەبارەی بارودۆخی وڵاتی تونس پەیامێكی بڵاوكردەوە
  2021-07-26       893       
ئەمینداری گشتیی یەکێتیی جیهانیی زانایانی ئایینی ئیسلام لەبارەی بارودۆخی وڵاتی تونس پەیامێكی بڵاوكردەوە و رایدەگەیەنێت كە گەلی تونس دوو بژاردەی لەبەردەمدایەو سێیەمی نیە.

ئاوێنە: لەمبارەیەوە د. عەلی قەرەداغی ئەمینداری گشتیی یەکێتیی جیهانیی زانایانی ئایینی ئیسلام لە تۆری كۆمەڵایەتی تویتەر لە پەیامێكدا رایگەیاندووە: گەلی تونس دوو بژاردەی لەبەردەمدایەو سێیەمی نیە، یان بەرگری لە شەرعیەت و ئازادی و کەرامەتی دەکات وەک گەلی تورکیا! یان پرۆژە شارستانییەکەیان لەدەست دەدەن کە لە پێناویدا بە هەموو شتێکی گرانبەهاو بەنرخ هەوڵیان بۆداو دەگەڕێنەوە بۆ دیکتاتۆریەت وەک گەلی میسر.

ئەمەش لەكاتێكدایە شەوی رابردوو سەرۆكی توونس كۆمەڵێك بڕیاری دەركردووەو باری لەناكاوی راگەیاندووەو پەرلەمانی سڕ كردو سەرۆكی حكومەتیشی دوورخستەوە، سەرۆكی پەرلەمانیش ئەو كارانەی بە كودەتا بەسەر دەستوورو شۆڕش ناوبرد
زۆرترین بینراو
© 2021 Awene Online, Inc. All Rights Reserved.
×