توشوانی کۆرۆنا لەبەیانیەوە دەتوانن سەردانی نەخۆشخانەی عەلی ناجی بکەن
  2021-07-31       256       

هاوڵاتیان دەتوانن لە نەخۆشخانەی عەلی ناجی پشکنینی کۆرۆنا بكه‌ن و چارەسەر وەربگرن.

ئاوێنە - زریان محەمەد: سەرخێل ئاراس، بەڕێوەبەری نەخۆشخانەی عەلی ناجی بەئاوێنەی ڕاگەیاند"لەدوای دوو مانگ کاری نۆژەنکردنەوە و ئامادەکاری جارێکی دیکە نەخۆشخانەکەمان لەڕۆژی یەکشەممە ٨/١ دەستدەکات بەکارکردن".

راشیگەیاند"ئەو هاوڵاتیانەی پێویستیان بە پشکنینە یان بینینی پزیشکە دەتوانن سەردانمان بکەن و وەک پێشوتر کارەکانیان بۆ ئەنجام ده‌رێت،  خزمه‌تگوزارییه‌كانی پشکنینی کۆرۆنا و وەرگرتنی چارەسەر بۆ توشبوانی کۆرۆنا له‌ نه‌خۆشخانه‌كه‌مان ده‌كرێت".

ئاماژەی بەوەشدا نەخۆشخانەکە هەموو پێداویستیەکی تیادا بەردەستە ڕۆژانە لە کاتژمێر ٨ سەرلەبەیانی هەتا کاتژمێر ٤ عەسر پێشوازی لە نەخۆش دەکات و بەپێی پشنینەکان هاوڵاتیان چارەسەریان بۆ دەکرێت.

سەنتەری عەلی ناجی وەک یەکەم سەنتەر بۆ پشکنینی ڤایرۆسی کۆرۆنا لەشاری سلێمانی کرایەوە.
زۆرترین بینراو
© 2021 Awene Online, Inc. All Rights Reserved.
×