2021-08-03   325     
لەحەوتەمین ساڵڕۆژی تاوانەکانی داعش دژ بەکوردانی ئێزدی، مستەفا کازمی، سەرۆکوەزیرانی عێراق پەیامێکی بڵاوکردەوەو ڕایگهیاند، دۆسیەی ئێزدییەکان کاری لەپێشینەی حکومەتەو گرنگیی تەواوی پێدهدهن.
ئاوێنه: کازمی لهپهیامهكهیدا دهڵێت، دۆسیەی ئێزدییەکان کاری لەپێشینەی حکومەتە. "حکومەت سستی و نەنواندووە و نانوێنێت و بەردەوامە لە پشتیوانیکردنی ژنانی رزگاربووانی ئێزدی و دادپەروەریی و بەرنامەی حکومیی بۆ دووبارە سەرپێخستنەوەیان، لەگەڵ هەوڵەکانی حکومەت بۆ ئەوەی ئاوارەکان بگەڕێنەوە سەر زێدی خۆیان، هەموو جۆرە هاوکارییەکیان پێشکهش بکرێت لە پێناو سەقامگیری و ئاوەدانکردنەوەی ناوچەکانیان لە سەرووی هەموویانەوە شنگال."
سەرۆکوەزیران جەخت لەودەکاتەوە، گرنگیی تەواو بە دۆسیەی رفێنراوە ئێزدییەکان دەدەن، کاری گەورە و بەردەوام کراوە لە پێناو ئازادکردنیان لە دەست داعش. هەروەها کازمی داوایکرد ساڵڕۆژەکە پاڵنەرێک بێت بۆ "پێکەوەیی و برایەتی و لەباوەشگرتنی نێوان رۆڵەکانی وڵات."