پارتی ژیانی
ئازادی كوردستان(پژاک)، ئەمڕۆ چوارشەممە، رایگەیاند، رۆژی 27ی 7ی 2021 دو
گەریلایان لە بۆسەیەكی هێزەكانی ئێراندا لە ناوچەی بۆكانی سەربە پارێزگای ورمێ لە
رۆژهەڵاتی كوردستان شەهیدبون. ناسنامەی هەردو گەریلاكەشی ئاشكراكرد.
ئاوێنە: پژاک، لە راگەیەندراوێکدا بڵاویکردەوە“رۆژی
27ی 7ی 2021 لە ناوچەی بۆکانى سەربە پارێزگای ورمێ، هێزە داگیرکەرەکانی ڕژێمی ئێران
بۆسەیان بۆ دو هەڤاڵمان دانا کە لەکاتی ڕاپەڕاندنی ئەرکی ڕێکخستندابون و چەکدار و
بە کرێگیراوەکانی ڕژێم بە شێوەیەکی دڕندانە هێرش دەکەنە سەر هەڤاڵانمان، ئەو دوانەیش
قارەمانانە لە بەرامبەر چەکدارەکانی رژێم بەرخودان دەکەن و لە ئەنجامی شەڕ و پێکدادانێکی
نابەرانبەرداو دوای ڕوبەڕوبونەوەیەکى قارەمانانە هەڤاڵ ئاریۆ و شاهین، شەهید دەبن."
راگەیەندراوەكە ناسنامەی دو گەریلاكەی
ئاشكراكردوە كە پێكدێن لە: ئیدریس فیقهی ناسراو بە ئاریۆ زاڵ و موحسین
قادری ناسراو بە شاهین ئاگری.
بەپێی راگەیەندراوەكە شاهین ئاگری ساڵی 1983 لە لە بۆکان لە دایکبوە.
هەر بەگوێرەی
راگەیەندراوەكە ئاریۆ زاڵ لە ساڵی 1985 لە شاری سنەی رۆژهەڵاتی کوردستان لە دایکبوە،
لە ساڵی 2017 بەشداری ڕیزەکانى گەریلاکانی ئازادی کوردستان دەبێت.