ئەمڕۆ پێنجشەممە، بافڵ تاڵەبانی و قوباد تاڵەبانی لەگەڵ ژمارەیەک سەرۆك عەشیرەت
و کەسایەتی کۆمەڵایەتی کۆبونەوە. بافڵ تاڵەبانی، هاوسەرۆكی یەكێتی رایگەیاند، "لێدان
لە سەروەری یاسا و سیخوڕیکردن بەسەر کەسایەتییە سیاسی و کۆمەڵایەتییەکان و خەڵکەوە
بنبڕ دەکەین و هیچ کەسێکیش نابورین و رادەستی دادگای دەکەین."
ئاوێنە: نوسینگەی بافڵ تاڵەبانی، هاوسەرۆكی یەكێتی، كەمێك لەمەوبەر لەبارەی
كۆبونەوەكە كە تێیدا رزگار عەلی، دەرباز کۆسرەت رەسوڵ، شاناز ئیبراھیم ئەحمەد، ئەندامانی
دەستەی کارگێڕی و سەعدی ئەحمد پیرە، ئاسۆ مامەند، د.سۆران جەمال تاھیرو ئەمین بابە
شێخ، ئەندامانی مەکتەبی سیاسی و ژمارەیەکی بەرچاو لە ئەندامانی سەرکردایەتی ئامادەیبون،
راگەیەندراوێكی بڵاوكردەوە.
بەپێی راگەیەندراوەكە بافڵ تاڵەبانی لە كۆبونەوەكەدا وتویەتی"هەر بڕیارێک
درابێت لەپێناو چاکسازی و بەرژەوەندی گشتیدا بوەو خەڵکی خۆشەویستی سنوری سلێمانی و
هەرێمی کوردستان سودمەندی یەکەم دەبن. گۆڕانکارییەکان بەردەوام دەبن و دەمانەوێت ژینگەیەکی
لەبار و ئارام بۆ خەڵکەکەمان دەستەبەر بکەین و خزمەتگوزاری زیاتر پێشکەش بکەین. هیچ
کەسێک لەسەرو یاساوە نەبێت و هەموان هەست بە ئارامی و سەلامەتی بکەن. پاراستنی بەرژەوەندییە
نەتەوەیی و نیشتمانییەکان بە ئەرکی خۆمان دەزانین و دابینکردنی ژیانێکی شایستە بۆ
هاوڵاتییان کاری لەپێشینەمان دەبێت."
بافڵ تاڵەبانی ئاماژەی بۆ ئەوەشکردوە "وەکچۆن لە رابردودا هاوکارو پشتیوانی
یەکێتی بون، داواتان لێدەکەین ئێستاش بەھەمان رۆحییەتەوە لەگەڵمان بن و پێکەوە هەنگاو
بەرەو سەرکەوتن بنێین."
بەپێی راگەیەندراوەكە هاوسەرۆكی یەكێتی دڵنیاییشی دایە ئامادەبوان کە "چیتر
دەستەگەری و کارکردن لەپێناو بەرژەوەندی شەخسی قبوڵ ناکەین. لێدان لە سەروەری یاسا
و سیخوڕیکردن بەسەر کەسایەتییە سیاسی و کۆمەڵایەتییەکان و خەڵکەوە بنبڕ دەکەین و هیچ
کەسێکیش نابورین و رادەستی دادگای دەکەین."
لە راگەیەندراوەكەدا هاتوە"لای خۆیانەوە سەرۆک عەشیرەت و کەسایەتییە کۆمەڵایەتییەکان
رایانگەیاند، ئێمە لەرابردودا پشتیوانی یەکێتی و سەرۆک مام جەلال بوین، لەداهاتوشدا
هەروا دەبین. داواکارین یەکێتی بە هەمان رۆحییەتی مام-ەوە بەردەوام بێت لە خەبات و
لەناو خەڵکدا بێت. پشتیوانتان دەبین بۆ چاکسازی و هەموان پێکەوە بە ئاراستەی ژیانێکی
ئارام هەنگاو دەنێین و بەها باڵاکانی کوردەواری دەپارێزین."
دەقی راگەیەندراوەكە...
بافڵ تاڵەبانی و قوباد تاڵەبانی لەگەڵ ژمارەیەک سەرۆك عەشیرەت و کەسایەتی
کۆمەڵایەتی کۆبونەوە.
لەكۆبونەوەیەكدا کە رزگار عەلی، دەرباز کۆسرەت رەسوڵ، شاناز ئیبراھیم ئەحمەد،
ئەندامانی دەستەی کارگێڕی و سەعدی ئەحمد پیرە، ئاسۆ مامەند، د.سۆران جەمال تاھیر و ئەمین بابە شێخ، ئەندامانی مەکتەبی سیاسی و
ژمارەیەکی بەرچاو لە ئەندامانی سەرکردایەتی ئامادەیبون، بافڵ تاڵەبانی بەگرنگییەوە
ڕۆڵی سەرۆک عەشیرەت و کەسایەتییە کۆمەڵاتییەکانی لە کۆمەڵگای کوردەواری بەرزنرخاند
و رایگەیاند، یەکێتیی نیشتمانیی کوردستان بە ڕێزێکی زۆرەوە لە مێژوی خەبات و
قوربانیدانی عەشیرەتەکانی کوردستان دەڕوانێت و ئەوان داینەمۆی شۆڕش و پێشەنگی گیانفیدایی
بون لەپێناو کوردستان و یەکێتییەکەی مام. ئێمە ئەو مێژوە درەوشاوەیەی ئێوە لەبیرناکەین
و یەکێتی حیزبی ئێوەیە.
لەبارەی گۆڕانکارییەکانی نێو یەکێتییەوە هاوسەرۆک بەرچاوڕونی دایە ئامادەبوان
و وتی، هەر بڕیارێک درابێت لەپێناو چاکسازی و بەرژەوەندی گشتیدا بوە و خەڵکی خۆشەویستی
سنوری سلێمانی و هەرێمی کوردستان سودمەندی یەکەم دەبن. گۆڕانکارییەکان بەردەوام دەبن
و دەمانەوێت ژینگەیەکی لەبار و ئارام بۆ خەڵکەکەمان دەستەبەر بکەین و خزمەتگوزاری
زیاتر پێشکەش بکەین. هیچ کەسێک لەسەرو یاساوە نەبێت و هەموان هەست بە ئارامی و سەلامەتی
بکەن. پاراستنی بەرژەوەندییە نەتەوەیی و نیشتمانییەکان بە ئەرکی خۆمان دەزانین و
دابینکردنی ژیانێکی شایستە بۆ هاوڵاتییان کاری لەپێشینەمان دەبێت.
بافڵ تاڵەبانی ئاماژەی بۆ ئەوەشکرد وەکچۆن لە رابردودا هاوکار و پشتیوانی یەکێتی
بون، داواتان لێدەکەین ئێستاش بەھەمان رۆحییەتەوە لەگەڵمان بن و پێکەوە هەنگاو بەرەو
سەرکەوتن بنێین. دڵنیاییشی دایە ئامادەبوان کە چیتر دەستەگەری و کارکردن لەپێناو بەرژەوەندی
شەخسی قبوڵ ناکەین. لێدان لە سەروەری یاسا و سیخوڕیکردن بەسەر کەسایەتییە سیاسی و
کۆمەڵایەتییەکان و خەڵکەوە بنبڕ دەکەین و هیچ کەسێکیش نابورین و رادەستی دادگای دەکەین.
لای خۆیانەوە سەرۆک عەشیرەت و کەسایەتییە کۆمەڵایەتییەکان رایانگەیاند، ئێمە
لەرابردودا پشتیوانی یەکێتی و سەرۆک مام جەلال بوین، لەداهاتوشدا هەروا دەبین.
داواکارین یەکێتی بە هەمان رۆحییەتی مام-ەوە بەردەوام بێت لە خەبات و لەناو خەڵکدا
بێت. پشتیوانتان دەبین بۆ چاکسازی و هەموان پێکەوە بە ئاراستەی ژیانێکی ئارام هەنگاو
دەنێین و بەها باڵاکانی کوردەواری دەپارێزین.