فیدراسیۆنی سەراسەری پەنابەرانی عێراقی رایگەیاند، پۆلیسی دەریاوانی ئیتاڵیا
200 پەنابەری دەستگیرکردوە کە بەلەمەکەیان لەناو دەریادا پەکی کەوتوەو هەشت لەو پەنابەرانە هاوڵاتی هەرێمی
كوردستانن.
ئاوێنە، زریان محەمەد: دەشتی جەمال، سکرتێری فدراسێۆنی سەراسەری پەنابەران بە
ئاوێنەی ڕاگەیاند"یەکێک لە پەنابەرە کوردەکان پەیوەندی پێوەکردین و پێی راگەیاندین
سەرلەبەیانی ئەمڕۆ هەینی، دوای ئەوەی بەلەمەکەیان لەقوڵایی دەریادا پەکی کەوتوە، رێکخراوی
خاچی سوری نیودەوڵەتیان ئاگادارکردۆتەوەو ئەوانیش پۆلیسی دەریاوانی ئیتالیایان
ئاگادارکردەوە، بەهانایانەوە چون و رزگاریانکردون."
وتیشی، ئەو پەنابەربەرە كوردە پێشی راگەیاندین كە "ژمارەیان 200 پەنابەرەو
هەشت هاوڵاتی هەرێمی کوردستانیان لەنێودایەو كە سێ منداڵ و پێنج گەورەن و پەنابەرەکانی تر هاوڵاتی
میسری و ئەفغانی و ئێرانی بون."
بەپێی قسەی دەشتی
جەمال، پەنابەرە کوردەکە ئاماژەی بەوەشداوە"لە رۆژی دوشەممەوە
لە وڵاتی یۆنانەوە بەڕێکەتون، ئێستا گەشتونەتە ئیتالیا، لەلایەن پۆلیسی ئیتالیاوە دەستگیرکراون
و نازانن بۆ کوێیان دەبەن."