2021-08-06 306
به‌پێی ئاماری وەزارەتی تەندروستی‌و ژینگەی عێراق، تا ئێستا زیاتر له 2 ملیۆن کەس لەعێراق‌و هەرێمی کوردستان پێکوتەی دژە کۆرۆنایان وەرگرتووە.
ئاوێنه: ئەمڕۆ هەینی، وەزارەتی تەندروستی‌و ژینگەی عێراق لەراگەیه‌ندراوێکدا رونیكرده‌وه كه ئێستا 2 ملیۆن‌و 102 هەزارو 550 کەس لەعێراق‌و هەرێمی کوردستان پێکوتەی دژە کۆرۆنایان وەرگرتووە.
به‌پێی ئاماره‌كانی وەزارەتی تەندروستی‌و ژینگەی عێراق، له‌سه‌ره‌تای سه‌رهه‌ڵدانی ڤایرۆسی كۆرۆناوه لەعێراق‌و هەرێمی کوردستان، تا ئێستا 1 ملیۆن‌و 696 هەزارو 390 کەس توشی ڤایرۆسه‌كه بون.
له‌و ژماره‌یه 1 ملیۆن‌و 510 هەزارو 888 توشبو چاکبونەتەوە، واتا 90٪ی تێکڕای توشبووان، هەروەها 166 هەزارو 415 توشبوی کۆرۆنا هێشتا چارەسەر وەردەگرن.
هه‌ر به‌پێی ئاماره‌كانی وەزارەتی تەندروستی‌و ژینگەی عێراق، 968 لەتوشبووانی كۆرۆنا لەژێر چاودێریی چڕدان، هه‌روه‌ها 19 هەزار 87 توشبوش گیانیان لەدەستداوە.