ئاسایشی گەرمیان رایپگەیاند، پارە دزراوەكەی یەكەی نیشتەجێبونی نۆژین سیتی
لە كەلار دۆزراوەتەوەو دو كەسیش بە تۆمەتی دزینی پارەكە دەستگیركراون.
ئاوێنە: ئەمڕۆ شەممە، راگەیاندنی ئاسایشی گەرمیان، لە راگەیەندراوێكدا "دۆزینەوەی بڕی 15 دەفتەر و 80 وەرەقەو
یەک ملیۆن و 591 هەزار دینار و دەستگیرکردنی تاوانبارانی دزیکردنەکەی ڕاگەیاند."
بەپێی زانیارییەکانی
ئاسایش، "دزەکان کارمەندبون لەپرۆژەکە و یەکێکیان دانیشتوی قەزای کەلارە و ئەویتریان بە ڕەگەز ئێرانییە."
چەند ڕۆژێک بەر
لە ئیستا دیارنەمانی پارەو دزیکردن لە پرۆژەی نۆژین ستی لەقەزای کەلار کە پرۆژەیەکی
دروستکردنی یەکەی نیشتەجێبونە راگەیەندرا.
ئاسایشی گەرمیان وتویەتی" دوای بەدواداچونی هێزەکانی ئاسایش لەگەرمیان
توانیان لەماوەیەکی کورتدا دزەکان دەستگیربکەن و بڕی پارە دزراوەکەش وەربگرنەوە."