2021-08-08   497     
وەزارەتی تەندروستی حكومەتی هەرێمی كوردستان، ئێوارەی ئەمڕۆ یەكشەممە، رایگەیاند،
لەماوەی 24 سەعاتی رابردودا ژمارەی توشبون و مردن بە كۆرۆنا هەڵكشاوە، بەشێوەیەك
كە دو هەزارو 380 كەسی دیكە توشی كۆرۆنا بون و هاوكات 21 توشبوی دیكەی ڤایرۆسەكەش
گیانیان لەدەستداوە كە هەشتیان لە سلێمانی بون.
ئاوێنە: وەزارەتەكە، كەمێك لەمەوبەر لە راگەیەندراوێكدا ئاماری 24 سەعاتی
رابردوی كۆرۆنای لە هەرێمی كوردستان خستەڕو.
بەگوێرەی راگەیەندراوەكە لەماوەی 24 سەعاتی رابردودا 12 هەزارو 553 پشكنینی
نوێ ئەنجامدراون و بەپێی ئەنجامەكان ژمارەی توشبوانی نوێی كۆرۆنا زیاتر بوە لەو
توشبوانەی لە ڤایرۆسەكە چاكبونەتەوە بەشێوەیەك دو هەزارو 380 توشبوی نوێی كۆرۆنا تۆماركراون
و 615 توشبوش چاكبونەتەوە.
وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا
21 توشبوی دیكەی كۆرۆنا گیانیان لەدەستداوە: 2 لە هەولێر، 8 لە سلێمانی، 7 لە دهۆك،
2 لە هەڵەبجە، 2 لە گەرمیان.
دەقی راگەیەندراوەكە: