هەپەگە، ئەمڕۆ یەكشەممە، رایگەیاند، لە شارۆچکەی "شاخ"ی سەر بە
پارێزگای وان لە باکوری کوردستان، لە چالاكییەكی گەریلاکانی یەژاستاردا 10 سەربازی
توركیا كوژراون.
ئاوێنە: ناوەندی راگەیاندنی هێزەکانی پارستنی گەل (هەپەگە)، لە
راگەیەندراوێكدا وتویەتی"رۆژی 6ی ئاب سەعات 5ی بەیانی، لە شارۆچکەی شاخ-ی سەر
بە پارێزگای وان ناوەندێکی پەخشی ئینتەرنێت و تەلەفۆنی دەوڵەتی داگیرکەری تورک لە
گوندی شامنس لەلایەن هێزەکانی یەژاستارەوە تەقێندراوەتەوە."
لە راگەیەندراوەكەدا هاتوە"پاش ئەو چالاکییە سەربازەکانی سوپای دەوڵەتی
داگیرکەری تورک، بە دو ئۆتۆمۆبێلی سەربازییەوە هاتونەتە شوێنی چالاکییەکە و کەوتونە
تەژێر چاودێریی هێزەکانمانەوە، رۆژی دواتر یەکێک لەو ئۆتۆمۆبێلانە لە سەعات 4ی ئێوارە
بۆمبی چێندراوی پێدا تەقێندراوەتەوە و 10 داگیركەر لەو چالاکییەدا سزا دراون."