پارێزگای هەولێر،
ئێوارەی ئەمڕۆ یەكشەممە، ئاشكرایكرد، تیمەكانی قائیمقامیەت، بەهۆی قۆرخكاری لە
نرخدا، دەستیان بەسەر هەشت تانكەری ئاوی خواردنەوەی ماڵاندا گرتوە.
ئاوێنە: پارێزگای
هەولێر، لە راگەیەندراوێكدا وتی"لەسەر فەرمان و ڕاسپاردەی
بەڕێز پارێزگاری ھەولێر، بەمەبەستی چاودێریکردنی نرخی فرۆشتنی ئاوی خواردنەوەی ماڵان
بەتەنکەر لەگەڕەکەکان و زانینی سەرچاوەی ئاوەکەو شێوازی دابینکردنەکەی و رێگەگرتن
لەو کەسانەی قۆرخکاری لەنرخی دابینکردنی ئاوی ماڵاندا دەکەن، لە درێژەی بەدواداچونەکان
بەسەرپەرشتی قائيمقامى ناوه‌ند، لەلایەن تیمەکانی قایمقامیەتی ناوه‌ندى ھەولێر، بەھۆی
قۆرخکاری لەنرخ دەست بەسەر 8 تانکەری ئاو داگیرا."
پارێزگای هەولێر جەختیشی كردۆتەوە كە ئەو هەڵمەتە بەردەوام دەبێت و "هەر
کەس و لایەنێك پابەند نەبێ و قورخكارى له‌نرخى فرۆشتنى ئاودا بكات، رێکاری توندی یاسایی
لەبەرامبەردا دەگیرێتەبەر."