2021-08-10 331
وتە‌بێژی جێگری سەرۆكی ئەنجومەنی وە‌زیران ڕایدەگەیەنێت،"هەنگاوی کرداری بۆ رێگریکردن لە قاچاخچێتی دەروازە سنورییەکان گیرایەبەر،ھیچ یاسا شكێنییە‌ك لە ماوە‌ی 24 كاتژمێری رابردوو ئە‌نجام نە‌دراوە".
ئاوێنە: سەمیر ھە‌ورامی وتە‌بێژی جێگری سەرۆكی ئەنجومەنی وە‌زیران رایگە‌یاند،"قوباد تاڵە‌بانی جێگری سەرۆکی حکومەتی ھەرێم بڕیاریدا ھێزەکانی ئۆپراسیۆنی ئاسایشی سلێمانی سە‌ر بە دە‌زگای ئاسایشی ھەرێم لە دەروازە سنورییەکانی باشماخ و پەروێزخان و چەندین خاڵی تری گومرگی جێگیر بكرێن، لە دوێنێوە ھێزە‌كە بە مەبەستی رووبەڕووبوونەوەی قاچاخچێتی و یاساشکێنی دەستبەکاربوون".
ئاماژەی بەوەشداوە،"پرۆسە‌كە بەردەوام دە‌بێت و خودی قوباد تاڵە‌بانی بەردەوام لە‌سەر خە‌تە لە‌گە‌ڵ ھێزە‌كانی ئاسایش و لایە‌نە پە‌یوە‌ندیدارە‌كانی تر بۆ ئە‌وە‌ی رێگری تە‌واو بكرێت لە‌ھە‌ر یاسا شكێنییە‌ك كە ئە‌گە‌ری روودانی ھە‌بێت".
ئەوەشی خستووەتەڕوو،" لە‌ماوە‌ی 24 كاتژمێری رابردوو و بەهۆی ئەو هێزانەوە ھیچ جۆرە كارێكی نایاسایی ئە‌نجام نە‌دراوە و ھێزە‌كانی ئاسایش و ھێزە‌كانی تری دە‌روازە‌كان توانیویانە رێگریی تە‌واو بكە‌ن لەهەر هەوڵێكی قاچاخچێتی".
ئاشكراشیكردووە،" ھێزە‌كانی ئاسایش بەردەوام دە‌بن لەئەرکەکانیان و لە‌دە‌روازە‌كان دە‌مێننە‌وە، ئەمە ھەنگاوێكی گرنگە بە‌ئاڕاستە‌ی چاکسازی و سەروەری یاسا و پارێزگاریکردن لە مافی گشتی".