شاناز ئیبراهیم ئەحمەد ئەندامی دەستەی كارگێڕی مەكتەبی سیاسی و سەرپەرشتیاری مەڵبەندی 1ی رێكخستنی سلێمانی یەكێتیی نیشتمانیی كوردستان دەڵێت "ناعەدالەتی زۆركراوە بۆیە بەبێ چاوپۆشی دەبێت لێپرسینەوە بكرێت".
ئاوێنە: ئەمڕۆ چوارشەممە ١١-٨-٢٠٢١، شاناز ئیبراهیم ئەحمەد لەمەڵبەندی ١ی رێكخستنی سلێمانی، لەگەڵ ژمارەیەك لەجێگران و كارگێڕانی مەڵبەند كۆبۆوەو رایگەیاند "یەكێتی، یەكێتی كۆمەڵانی خەڵكە، هەر بەرپرسێكیش لەئاست داواكاری خەڵك نەبوبێت و پۆستەكەی نەخستبێتە خزمەتی خەڵكەوە، ئەوە گوزارشت لە سیاسەت و بڕیاری یەكێتی ناكات، بۆیە پێتان دەڵێین بمانبوورن، دەزانین ناعەدالەتی زۆركراوە، بۆیە بەبێ چاوپۆشی دەبێت لێپرسینەوە بكرێت و ئەم چاكسازییە بەردەوام دەبێت".