پارێزگاری هەولێر رایگەیاند، لێپێچینەوە لەو موختارە دەكەین كە
تۆمەتباركراوە بە هێرشكردنە سەر چەند میدیاكانرێك لەمیانی ناڕەزایەتییەكانی ئەمڕۆی
دانیشتوانی گەڕەكی باداوەی شاری هەولێردا بەهۆی كەمئاوییە. دەشڵێت: لە سبەێنێوە
دەست بە لێدانی بیر بۆ ئەو گەڕەكە دەكەن.
ئاوێنە: پێشنیوەڕۆی ئەمڕۆ چوارشەممە، بەهۆی کەمئاوییەوە، دانیشتوانی گەڕەکی
باداوەی هەولێر هاتنە سەر شەقام و ناڕەزاییان دەربڕی.
بەپێی راگەیەندراوێكی سەنتەری میترۆ، لەمیانی خۆپیشاندانەكەدا لەلایەن
موختاری گەڕەكی باداوەو چەند كەسێكی دیكەوە كە جلی مەدەنییان لەبەردا بوە،
هێرشكراوەتە سەر تیمی كەناڵەكانی ئێن ئاڕ تی و سپێدە.
ئومێد خۆشناو، پارێزگاری هەولێر، لەوبارەیەوە، بە روداوی وتوە "بەدڵنیاییەوە
لێپێچینەوە لەو موختارە دەکەین و لە ئەگەری سەلماندنی ئەو تۆمەتانەی کە ئاڕاستەی
کراون، هەم یاسا کاری خۆی دەکات و هەم ئێمەش رێکاری خۆمان دەبێت."
لە بەشێكی دیكەی قسەكانیدا ئومێد خۆشناو لەبارەی چارەسەركردنی گرفتنی
كەمئاوی لەو گەڕەكە، وتویەتی"بەدواداچونمان بۆ گرفتەکانی گەڕەکی باداوەی هەولێر
کردوەو قایمقامی هەولێر بە نوێنەرایەتی پارێزگار سەردانی گەڕەکەکەی کردوەو بڕیارماندا
وەکو چارەسەرێکی خێرا، بە تانکەر ئاویان بۆ بنێرین و لە سبەی پێنجشەممەشەوە دەست بە
لێدانی بیر دەکەین بۆیان."