لاهور شێخ جەنگی: بەڕێگەی ئاشتی و برایەتی كار بۆ چارەسەركردنی كێشەكان دەكەم
  2021-08-12       2728       

لاهور شێخ جەنگی، هاوسەرۆكی یەكێتی دڵنیایی دەدات كە "بە هەمو توانایەکەوە کار بۆ پاراستنی ناوماڵی یەکێتی دەکات و ڕێگە بە لێکترازان نادات و بە ڕێگەی ئاشتی و برایەتی کار بۆ چارەسەرکردنی کێشەکان دەکات."

ئاوێنە: بەپێی راگەیەندراوێكی نوسینگەكەی، ئێوارەی ئەمڕۆ پێنجشەممە، لاهور شێخ جەنگی لە شاری سلێمانی پێشوازی کرد لە ژمارەیەکی زۆر ئەندام و کادر و لایەنگرانی یەکێتیی، کە لە شار و شارۆچکەکانی هەرێمی کوردستانەوە بە مەبەستی دەربڕینی پشتیوانی سەردانیان کردبو.

لاهور شێخ جەنگی لە وتەیەكدا جەختی كردەوە کە "بە گیانێکی یەکێتییانە ئامادەی چارەسەرکردنی کێشەکانە بە پێی پەیڕەو و پرۆگرامی حزبی و لە ناو کۆبوونەوەی ئەنجوومەنی سەرکردایەتی."و "هەر بڕیارێکیش لەلایەن یەکێتییەوە بدرێت پێوەی پابەند دەبێت."

دڵنیاشی کردنەوە کە "بە هەمو توانایەکەوە کار بۆ پاراستنی ناوماڵی یەکێتیی دەکات و ڕێگە بە لێکترازان نادات و بە ڕێگەی ئاشتی و برایەتی کار بۆ چارەسەرکردنی کێشەکان دەکات."

 

زۆرترین بینراو
© 2024 Awene Online, Inc. All Rights Reserved.
×