شاخەوان
عەبدوڵا، كاندیدی پارتی لە بازنەی یەکی کەرکوک ئاشکرای کرد، لەسەر داوای
سەركردایەتی حزبەكەیان، بۆ بانگەشەی هەڵبژاردن لەناو كەركوك دو بارەگا دەكەنەوەو
لە دەرەوەی شارەكەش بارەگای دیكەیان دەبێت.
ئاوێنە: شاخەوان
عەبدوڵا، بە ماڵپەڕی رەسمی پارتی راگەیاند"من وەکو کاندیدی پارتی دیموکراتی
کوردستان دەگەڕێمەوە بۆ کەرکوک و لەوێ بانگەشە دەکەم و ئێستا ئامادەکاری بۆ گەڕانەوە
دەکەم و لەسەرەتا بۆ بانگەشە لەناو کەرکوک دو بارەگا دەکەینەوە و لە دەرەوەی شاریش
بارەگامان دەبێت بۆ ئەوەی لەوێ بانگەشە بکەین."
ئەو کاندیدەی
پارتی باسی لەوەش کرد''گەڕانەوەمان لەسەر داوای سەرکردایەتیی پارتی دیموکراتی
کوردستانە و جارێ ئێمە دەگەڕێینەوەو حیزبیش لە گفتوگۆدایە بۆ گەڕانەوە، بەڵام ھەڵبژاردن
نزیک بوەتەوە، بۆیە سەرەتا ئێمە دەگەڕێینەوە."
وتیشی''ئەو بارەگایانەی
دەکرێنەوە بۆ کاندیدو کادیرو ئەندامانی خۆمانەو دەمانەوێت لە کەرکوک بانگەشە بکەین
و لەناو خەڵکی خۆمان بین و لە ماوەیەکی زۆر نزیکیشدا دەست بە گەڕانەوە دەکەین."