سهرۆكایهتی بهڕێوهبردنی كارهسات و دۆخه لهناكاوهكان له توركیا رایگەیاند،
به هۆی ئهو لافاوهی ناوچهكانی رۆژئاوای دهریای رهشی گرتهوه 34 كهس له
كاستامۆنو و شهش كهسیش له سینۆپ گیانیان لهدهست داوه. ئەمڕۆش تەرمی ئەو هاوڵاتییە لە بارتن دۆزرایەوە كە ماوەی چوار رۆژ بو تیمەكان بەدوایدا دەگەڕان.
ئاوێنە: ئاژانسی
رەسمی توركیا بڵاویكردەوە لە شارۆچکەی ئوڵوس سەر بە پارێزگای بارتن تەرمی ژنێکی بەساڵاچو
بەناوی عاریفە ئوناڵ، لە دوری نزیکەی 600 کیلۆمەتر لە ماڵەکەی خۆی و لە کەناری
رووبارێکدا دۆزرایەوە.
تیمە فریاگوزارییەکان ماوەی چوار رۆژ بو بە دوای ئەو ژنە تەمەن 85 ساڵەدا دەگەڕان
کە لە کاتی لافاوەکەی ناوچەکانی رۆژئاوای دەریای رەش بێسەروشوێن ببو.
سهرۆكایهتی بهڕێوهبردنی كارهسات و دۆخه لهناكاوهكان له توركیا، لە
راگەیەندراوێكدا وتی، تا ئێستا جگە لەو ژنەی كە ئەمڕۆ تەرمەكەی دۆزرایەوە بههۆی
لافاوهوه 34 كەس له كاستامۆنو و شهش كەسی دیكەش له سینۆپ گیانیان لهدهست
داوه.
بەوەش ژمارەی ئەوانەی بەهۆی لافاوەوە لە توركیا گیانیان لەدەستداوە گەیشتە
41 كەس.
سهرۆكایهتی بهڕێوهبردنی كارهسات و دۆخه لهناكاوهكان له توركیا
وتوشیەتی، نۆ كەس لە ئێستادا لە نەخۆشخانە چارهسهری پزیشكی وەردەگرن و كارهكانی
گهڕان و فریاكهوتنی تیمهكان له شارۆچكهی ئایناجك له پارێزگای سینۆپ و شارۆچكهی
بۆزكورت له پارێزگای كاستامۆنو درێژەیان هەیە.