ئاژانسی رۆیتەرز لەزاری بەرپرسێكی باڵای وەزارەتی ناوخۆی ئەفغانستانەوە بڵاویكردەوە، ئەمڕۆ یەكشەممە، ئەشرەف غەنی، سەرۆكی وڵات بەرەو تاجیكستان هەڵاتوە. ئەوەش هاوكاتە لەگەڵ گەیشتنی هێزەكانی تاڵیبان بە دەروازەكانی كابوڵی پایتەخت.
ئاوێنە: هاوكات لەگەڵ
ئەوەش عەبدوڵا عەبدوڵا، سەرۆكی ئەنجومەنی باڵای ئاشتیی نەتەوەیی لە ئەفغانستان، لە
پەیامێكی ڤیدیۆییدا لە تویتەری خۆی ئەشرەف غەنی بە "سەرۆك كۆماری پێشو"ی
ئەفغانستان ناوبردو رایگەیاند، ناوبراو وڵاتی جێهێشتوە.
پێشتر وتەبێژی بزوتنەوەی تاڵیبان رایگەیاندبو كە داوا لە سەرۆكی ئەشرەف غەنی و سەركردەكانی ئەفغانستان دەكەن بمێننەوەو كار لەگەڵ ئەوان بكەن.
لەلایەكی دیكەوە باڵیۆزخانەی پاكستان لە كابوڵ ئاماژەی بەوەداوە كە وەفدێكی حكومەتی ئەفغانستان و چەند سەركردەیەكی ئەو وڵاتە گەیشتونەتە ئیسلام ئابادی پایتەختی پاكستان.