وەزارەتی تەندروستی عێراق رایگەیاند، لەماوەی 24 سەعاتی رابردودا ژمارەی ئەو توشبوانەی كۆرۆنا لە ڤایرۆسەكە چاكبونەتەوە زیاتر بوەو زۆترین ژمارەی توشبون و گیانلەدەستدانیش لەسەر ئاستی پارێزگاكانی عێراق لە پارێزگای سلێمانی بوە.

ئاوێنە: وەزارەتی تەندروستی عێراق، ئێوارەی ئەمڕۆ یەكشەممە، لە بەیاننامەیەكدا ئاشكرایكرد: لەماوەی 24 سەعاتی رابردودا، 34 هەزارو 273 پشكنینی كۆرۆنا لەسەرتاسەری وڵات ئەنجامدراون و بەپێی ئەنجامەكان حەوت هەزارو 11 كەسی دیكە توشی كۆرۆنا بون كە دو هەزارو 20 توشبویان لە هەرێمی كوردستان تۆماركراون كە لەوانە هەزارو 141 توشبویان لە پارێزگای سلێمانی تۆماركراون كە زۆرترین ژمارەی توشبون بوە لەسەر ئاستی سەرجەم پارێزگاكانی عێراق.

بەپێی بەیاننامەكە هەر لەماوەی 24 سەعاتی رابردودا ژمارەی ئەو توشبوانەی لە ڤایرۆسەكە چاكبونەتەوە كەمتر بون لەوانەی توشی كۆرۆنا بون بەشێوەیەك كە نۆ هەزارو 379 توشبوی كۆرۆنا چاكبونەتەوە.

هەروەها ئاماژەی بەوەشداوە كە هەر لە ماوەی 24 سەعاتی رابردودا 66 توشبوی ڤایرۆسەكە گیانیان لەدەستداوە كە زۆترینیان لە پارێزگای سلێمانی بون و ژمارەیان هەشت گیانلەدەستدان بوە.