2021-08-16 1608
دۆناڵد ترەمپ، کەوتنی ئەفغانستان بە گەورەترین شکستی ئەمریکا دەزانێت و داوای دەست لەکارکێشانەوەی جۆبایدن دەکات.
ئاوێنە: دۆناڵد ترەمپ، سەرۆکی پێشووی ئەمریکا لە راگەیەندراوێکدا، داوای لە جۆبایدن سەرۆکی ئەمریکا کرد، دەست لەکاربکێشێتەوە و دەڵێت: "بایدن لە کۆمەڵێک پرسدا شکستی خواردووە، بەتایبەت لە دۆسییەی ئەفغانستان و پەتای کۆرۆنا".
بەرای دۆناڵد ترەمپ، "ئەوەی لە ئەفغانستان روودەدات، گەورەترین شکستی ئەمریکایە لە مێژوودا".
ئەوە لە کاتێکدایە دوێنێ یه‌كشه‌ممه 15ی ئابی 2021، چەکدارانی بزووتنەوەی تاڵیبان چوونە ناو کابولی پایتەختی ئەفغانستان و ئه‌شره‌ف غه‌نی، سه‌رۆكی وڵاته‌كه به‌ره‌و تاجیكستان رایكرد.
چه‌كدارانی تاڵیبان چوونە ناو كۆشكی سه‌رۆكایه‌تی ئه‌فغانستان له كابولی پایته‌خت و به‌رپرسێكی باڵای بزووتنه‌وه‌ی تاڵیبان به ئاژانسی ئه‌سۆشێیتد پرێسی راگه‌یاند: "به‌م زووانه ئیماره‌تی ئیسلامی ئه‌فغانستان راده‌گه‌یه‌نین".