2021-08-17   589     
بزووتنەوەی تاڵیبان لێبوردنی گشتی بۆ تەواوی فەرمانبەرانی دەوڵەت دەركرد، هاوكات داوای لێكردن بچنەوە سەر كارەكانیان.
ئاوێنه: بزووتنەوەكە لە راگەیەندراوێكدا ئاماژەی بەوەكردووە:" لێبوردنی گشتی بۆ تەواوی بەرپرسان و كارمەندانی دەوڵەت دەركراوە" هەر بۆیە دەتوانن بەتمانەیەكی تەواوە ژیانی ئاسایی خۆتان دەستپێ بكەنەوە."
رۆژی یەكشەممەی ئەم هەفتەیە چەكدارانی تاڵیبان، لەپێشهاتێكی چاوەرواننەكراودا، بەبێ شەڕ چوونە ناو كابول-ی پایتەخت و دەستیان بەسەر كۆشكی كۆماری و ناوەندە حكومییەكاندا گرت و كۆتاییان بەدەسەڵاتەكەی ئەشرەف غەنی سەرۆكی ئەو وڵاتە هێنا كە پێش ئەوەی چەكدارانی تاڵیبان بگەنە دەروازەكانی كابول، وڵاتی بەرەو تاجیكستان جێهێشت.