وەزارەتی كارەبای حكومەتی هەرێمی كوردستان رایگەیاند، تا كۆتایی مانگی ئاب
دەتوانن رۆژانە 15 سەعات كارەبا دابین بكەن.
ئاوێنە: وەزارەتەكە، ئێوارەی ئەمڕۆ چوارشەممە، لە رونكردنەوەیەكدا وتی"پلان
و بەرنامەکانی لەپێناو گەیشتن بە دابینکردنی کارەبایەکی بەردەوام بۆ ھاوڵاتیان داڕشتوە."
وەزارەتی كارەبا
ئاشكراشیكردوە"لە کاتی ئێستادا 3500 تا 3600 مێگاوات کارەبا بەرھەمدەھێنین
و تێکڕای خواستیش لەسەر کارەبا 5500 تا 6000 مێگاواتە."
جەختیشی كردۆتەوە "تا کۆتایی مانگی ئاب دەتوانین 15 کاتژمێر کارەبا
دابین بکەین."
وەزارەتی كارەبا
داواشی لە پەیج و کەناڵەکانی راگەیاندن كردوە "خۆیان لە بڵاوکردنەوەی
ئەو ھەواڵە بێ بنەماو دور لە راستیانە بپارێزن کە باس لە کاتژمێرەکانی پێدانی کارەبا
دەکەن، بێ ئەوەی لە پەیج و کەناڵە فەرمیەکانی وەزارەتەوە ئاماژەیان پێ کرابێت."