چوارشەممە 18/8/2021، لاهور شێخ جەنگی، هاوسەرۆكی یەكێتی لە بەردەم دادگای لێكۆڵینەوەی سلێمانی
میدیای نزیك لە
ماڵی تاڵەبانی لەزاری سەرچاوەیەكی دادگاوە بڵاویكردۆتەوە كە "لاهور شێخ جەنگی
و براكانی هەریەكە بە كەفالەتی 25 ملیۆن دینار ئازادكراون و لە دۆسیەی دیكەشدا
بڕیاری دەستگیركردنیان هەیە."
ئاوێنە: سەرچاوەیەک لە
دادگای سلێمانی بە ماڵپەڕی (ئێس ئێن ئێن)ی راگەیاند "دوای ئەوەی ئەمڕۆ لاهور
شێخ جەنگی و براکانی لەسەر سکاڵای هاوڵاتییەک ئامادەی بەردەم دادگا کران، بە دانانی
کەفالەتی 25 ملیۆن دینار بۆ هەر یەکێکیان ئازاد کراون، ئەم ئازادکردنەیان بە واتای
کۆتایی کێشەکەیان نییە، بەڵکو بەشێوەیەکی کاتی ئازادکراون تاوەکو ڕۆژی دادگایی
کردنیان و هەرکات دادگا داوای کردن پێویستە ئامادەبن، بە پێچەوانەوە دوبارە بڕیاری
دەستگیرکردنیان بۆ دەردەچێتەوە."
سەرچاوەكەی دادگای
سلێمانی وتوشیەتی"لە ئێستاداو لە دۆسیەی دیکەدا بڕیاری دەستگیرکردنیان
هەیەو پێویستە دوبارە ئامادەی دادگا بن."