بڕیار وایە لەشاری سلێمانی خولی چواردەیەمین پێشانگای نێودەوڵەتی سلێمانی DBX بە بەشداری 160 کۆمپانیای ناوخۆیی و بیانی بەڕێوەبچێت.
ئاوێنە، زریان محەمەد: داستان خالید، بەڕێوەبەری پەیوەندییەکان و ڕاگەیاندن
لەکۆمپانیای "عێراق تەقدوم بۆ پێشانگا" بە ئاوێنەی راگەیاند"کۆمپانیاکەمان
ساڵانە پێشانگای نێودەوڵەتی DBX بەسەرپەرشتی ژوری
بازرگانی و پیشەسازی سلێمانی و بەچاودێری پارێزگاری سلێمانی و لایەنە پەیوەندیدارەکان
دەکاتەوە."
راشیگەیاند"بۆ ئەمساڵ بەتەواوی خۆئامادەکاری و ڕێنماییە تەندروستییەکان
چواردەهەمین پێشانگای نێودەوڵەتی DBX بە بەشداری 160
کۆمپانیای ناوخۆیی و بیانی لە ڕێکەوتی 25/8 تا 30/8 بۆماوەی شەش ڕۆژ بەردەوام دەبێت."
ئاماژەی بەوەشدا کۆمپانیا بەشدارەکان تایبەتن بە بوارەکانی خۆراک، بیناسازی،
پەیوەندییەکان، تەکنەلۆژیا، ئەندازیاری، پاکكەرەوە، کەلوپەلی جوانکاری، جلوبەرگ، پێداویستی
ئۆتۆمبێل، بڵاوکراوە و چاپەمەنی، کتێب، تەندروستی، کارگەی لەقتونان، کارەبایی، پێداویستی
ناوماڵ.
ئەوەشی ڕونکردەوە کۆمپانیا بەشدارەکان لە هەشت وڵاتەوە دێن وەک: ئێران و
تورکیاو میسرو ئازەرباینجان و فەرەنساو ئیتاڵیاو لوبنان و ئوردن و کۆمپانیاکانی وەزارەتی
پیشەسازی عێراق و بریکارنامەکانی وڵاتانی ئەوروپا و ئەمریکا کە لە هەرێمی کوردستان
وەکیلیان هەیە.